ວັນທີ 23 ສິງຫາ 2022, ບໍລິສັດ ຊຶເກະລາວ ຈໍາກັດ ໄດ້ຈັດພິທີເປີດໂຮງງານຜະລິດຢາສູບ ແລະ ອຸປະກອນສູບຢາ ຂື້ນຢູ່ທີ່ເຂດເສດຖະກິດພິເສດນິຄົມອຸດສາຫະກໍາຂະໜາດນ້ອຍຫາກາງ ປາກເຊ-ຍີ່ປຸ່ນ (ເຂດPJSEZ) ເຊິ່ງໄດ້ໃຫ້ກຽດເຂົ້າຮ່ວມໂດຍ ທ່ານ ສົມ ບຸດຕະກູນ, ຮອງເຈົ້າແຂວງ ແຂວງຈໍາປາສັກ, ພະນະ ທ່ານ ໂຄບາຢາຊິ ເຄນອິຈິ, ເອກອັກຄະລັດຖະທູດຍີ່ປຸ່ນ ປະຈໍາສປປ ລາວ, ທ່ານ ຊຶເຊະ, ປະທານບໍລິສັດ ຊຶເກະພ້າຍ ຈໍາກັດ ທີ່ເປັນບໍລິສັດແມ່ຢູ່ຍີ່ປຸ່ນ, ທ່ານ ມິຊຸ່ຍ, ປະທານ ບໍລິສັດ ຊຶເກະລາວ ຈໍາກັດ, ພາກສ່ວນທີ່ກ່ຽວຂ້ອງອື່ນໆພາຍໃນແຂວງ, ບັນດານັກທຸລະກິດຍີ່ປຸ່ນທີ່ພວມດໍາເນີນທຸລະກິດຢູ່ໃນເຂດPJSEZ ແລະ ພາກໃຕ້ຂອງລາວ. ທາງໂຮງງານຊຶເກະ ແມ່ນໄດ້ດໍາເນີນການຜະລິດນັບແຕ່ເດືອນ ມັງກອນ 2021 ເປັນຕົ້ນມາແລ້ວ ແຕ່ເນື່ອງຈາກ ສະພາບການແຜ່ລະບາດຂອງພະຍາດໂຄວິດ-19, ການກະກຽມຈັດພິທີເປີດໂຮງງານ ຈຶ່ງຖຶກເລື່ອນອອກໄປ ແລະ ພິທີດັ່ງກ່າວຈຶ່ງຖຶກຈັດຂື້ນໃນມື້ນີ້. ໃນໂອກາດນີ້, ທ່ານ ສົມ ບຸດຕະກູນ ຮອງເຈົ້າແຂວງ ແຂວງຈໍາປາສັກ ແລະ ພະນະ ທ່ານ ໂຄບາຢາຊິ ເຄນອິຈິ, ເອກອັກຄະລັດຖະທູດຍີ່ປຸ່ນ...
ວັນທີ 19 ມັງກອນ 2022, ກອງປະຊຸມປຶກສາຫາລືຮ່ວມ ລະຫວ່າງພາກລັດ ແລະ ເອກະຊົນ ຄັ້ງທີ 1 ໄດ້ຖືກຈັດຂື້ນໂດຍ ສະພາການຄ້າ ແລະ ອຸດສາຫະກໍາຍີ່ປຸ່ນ ປະຈໍາລາວ ສາຂາປາກເຊ (ສຄອຍປລ) ແລະ ແຂວງ ຈໍາປາສັກ. ວາລະກອງປະຊຸມປະກອບມີ ການຄ້າ/ການຂົນສົ່ງ ແລະ ການບໍລິການປະຕູດຽວ, ການສົນທະນາປຶກສາຫາລືໄດ້ດຳເນີນດ້ວຍຮູບການຕັ້ງຄຳຖາມ ແລະ ຂໍ້ສະເໜີ ຈາກບັນດາບໍລິສັດຍີ່ປຸ່ນ ແລ້ວຊີ້ແຈງຄຳຕອບຈາກພະແນກການທີ່ຮັບຜິດຊອບຂອງແຂວງຈຳປາສັກ. ການແກ້ໄຂບາງປະເດັນເຫັນວ່າໄດ້ຜ່ານການສົນທະນາປຶກສາຫາລື ແລະ ຄາດຫວັງວ່າສະພາບແວດລ້ອມໃນການດຳເນີນທຸລະກິດຂອງບັນດາບໍລິສັດຍີ່ປຸ່ນຢູ່ໃນແຂວງຈຳປາສັກຈະຮັບການປັບປຸ່ງໃຫ້ດີຂຶ້ນເທື່ອລະກ້າວໃນຕໍ່ໜ້າ. ກອງປະຊຸມປຶກສາຫາລືຄັັ້ງນີ້ ແມ່ນເປັນປະທານຮ່ວມໂດຍ ພະນະ ທ່ານ ໂຄບາຢາຊິ ເອກອັກຄະລັດຖະທູດຍີ່ປຸ່ນ ປະຈໍາລາວ ແລະ ທ່ານ ປອ. ວິໄລວົງ ເຈົ້າແຂວງ ແຂວງຈຳປາສັກ. ກອງປະຊຸມປຶກສາຫາລືຮ່ວມ ລະຫວ່າງພາກລັດ ແລະ ເອກະຊົນຄັ້ງນີ້ ແມ່ນໄດ້ຮັບຜົນສໍາເລັດ ພາຍໃຕ້ການຮ່ວມມືຂອງສະຖານທູດຍີ່ປຸ່ນ ປະຈໍາລາວ, ສະພາການຄ້າ ແລະ ອຸດສາຫະກໍາຍີ່ປຸ່ນ ປະຈໍາລາວ, ອົງການເຈັດໂຕຣ, ອົງການໄຈກ້າ ແລະ ແຂວງຈໍາປາສັກ.
ວັນທີ 19 ມັງກອນ 2022, ພະນະ ທ່ານ ທູດ ໂຄບາຢາຊິ ຈາກສະຖານທູດຍີ່ປຸ່ນ ປະຈໍາສປປ ລາວ ໄດ້ເຂົ້າມາເຄື່ອນໄຫວຢ້ຽມຢາມເຂດເສດຖະກິດພິເສດນິຄົມອຸດສາຫະກໍາຂະໜາດນ້ອຍຫາກາງ ປາກເຊ-ຍີ່ປຸ່ນ ໃນວັນທີ 19 ມັງກອນ 2022. ພ້ອມດຽວກັນນັ້ນ, ທ່ານ ທູດ ກໍ່ໄດ້ລົງຢ້ຽມຢາມໂຮງງານອໍເຈແປນ ບຸໂດງຸລາວ, ໂຮງງານ ຊຶເກະລາວ ແລະ ໂຮງງານ ຊັງໂກລາວ ແລະ ພ້ອມທັງຮັບຟັັງການລາຍງານກ່ຽວກັບສະຖານະການຂອງຂະບວນການຜະລິດ, ການຜະລິດ ແລະ ອື່ນໆ ຈາກແຕ່ລະບໍລິສັດຍີ່ປຸນ ຕື່ມອິກ.
ພະນັກງານທັງໝົດທີ່ໄດ້ຮັບການສັກຢາວັກຊີນປ້ອງກັນພະຍາດ Corona ມີ 49 ຄົນ(ມາຮອດວັນທີ 26 ມີນາ 2021), ແລະ ສປປ ລາວ ໄດ້ບັນລຸຜົນສຳເລັດ ເມື່ອທຽບໃສ່ບັນດາປະເທດເພື່ອນບ້ານ. ພະແນກສາທາລະນະສຸກ ແຂວງ ຈຳປາສັກ ໄດ້ເຂົ້າມາດຳເນີນການສັກຢາວັກຊິນປ້ອງກັນພະຍາດໂຄວິດ-19 ໃຫ້ແກ່ພະນັກງານ ທີ່ພວມເຮັດວຽກຢູ່ໃນເຂດເສດຖະກິດພິເສດນິຄົມອຸດສາຫະກໍາຂະໜາດນ້ອຍຫາກາງ ປາກເຊ-ຍີ່ປຸ່ນ ຄັ້ງວັນທີ 24 ມີນາ 2021. ພວກເຮົາຈະພະຍາຍາມສືບຕໍ່ດຳເນີນງານເຂດເສດຖະກິດພິເສດໃຫ້ມີຄວາມປອດໄພ ແລະ ໝັ້ນຄົງຕໍ່ໄປ.
ປະເທດສປປ ລາວ ເປັນປະເທດໜື່ງທີ່ບໍ່ມີຊາຍແດນຕິດກັບທະເລ ຢູ່ລຸ່ມແມ່ນໍ້າຂອງໃນພາກພື້ນອາຊີຕາເວັນອອກສຽງໃຕ້; ນັບແຕ່ຊຸມປີຜ່ານມາ, ການພັດທະນາພື້ນຖານໂຄງລ່າງດ້ານການຂົນສົ່ງທາງບົກທີ່ເຊື່ອມຕໍ່ກັບປະເທດເພື່ອນບ້ານໄດ້ຮັບການປັບປຸງ, ແລະ ສປປ ລາວໄດ້ກາຍເປັນຈຸດໝາຍໜື່ງທີ່ພວມດຶງດູດຄວາມສົນໃຈໃນການລົງທືນຕໍ່ໄປຂອງບໍລິສັດຍີ່ປຸ່ນ ທີ່ມີຖານການຜະລິດຢູ່ປະເທດໄທ ແລະ ປະເທດອື່ນໆ ເນື່ອງຈາກວ່າ ປະຊາກອນຂອງລາວສ່ວນຫຼາຍໄດ້ປະກອບອາຊີບດ້ານອຸດສາຫະກໍາກະສິກຳເປັນຕົ້ນຕໍ ເຊີ່ງກວມເອົາ 70% ຂອງປະຊາກອນທັໝົດ. ເພາະສະນັ້ນ ນັບແຕ່ປີ 2000 ເປັນຕົ້ນມາ ລັດຖະບານລາວ ໄດ້ມີການສົ່ງເສີ່ມດ້ານການປູກຝັງ ແລະ ການຄ້າຂະໜາດໃຫຍ່ໃນຂອບເຂດທົ່ວປະເທດ ເຊີ່ງລັດຖະບານລາວມີຈຸດມຸ້ງໝາຍທີ່ຈະພັດທະນາຜະລິດຕະພັນກະສິກຳ ແລະ ອຸດສາຫະກຳປຸງແຕ່ງອາຫານ ແລະ ກະສິກຳອີນຊີປອດສານພິດໃຫ້ເປັນຜະລິດຕະພັນທີ່ມີມູນຄ່າສູງ, ພ້ອມດຽວກັນນັ້ນ ເພື່ອເປັນການລຸດຜ່ອນ ປະລິມານການນໍາໃຊ້ຢາປາບສັດຕູພືດໃຫ້ນັບມື້ນັບໜ້ອຍລົງຢູ່ພາຍໃນປະເທດ ເຊີ່ງເຫັນໄດ້ວ່າ ສປປ ລາວ ກຳລັງເປັນທີ່ດຶງດູດຄວາມສົນໃຈຫຼາຍໃນດ້ານຜະລິດຕະພັນກະສິກຳ ທີ່ມີຄຸນນະພາບສູງ ຈາກຍີ່ປຸ່ນ ແລະ ປະເທດໃກ້ຄຽງ. ໃນລະຫວ່າງກາງປີ 2019, ອົງ JETRO ຈະສົ່ງພາລະກິດດ້ານກະສິກຳມາທີ່ ສປປ ລາວ. ໃນພາລະກິດຄັ້ງນີ້, ພວກເຮົາຈະດຳເນີນການຢ້ຽມຢາມສວນກະສິກຳ, ຕະຫລາດ, ແລກປ່ຽນຄວາມຄິດເຫັນກັບຜູ້ຈັດການດ້ານກະສິກຳ, ແລະ ບັນດາບໍລິສັດເຄືອຂ່າຍກະສິກຳ ຢູ່ທີ່ນະຄອນຫຼວງວຽງຈັນ ແລະ ແຂວງ ຈຳປາສັກ, ເຊິ່ງມີພູພຽງບໍລະເວນທີ່ເປັນແຫຼ່ງຜະລິດກະສິກຳລະດັບແຖວໜ້າທີ່ສໍາຄັນຂອງປະເທດລາວ. ມີຄວາມເປັນໄປໄດ້ທີອາດຈະສາມາດເກັບກຳຂໍ້ມູນລ້າສຸດເພື່ອນຳໃຊ້ເປັນເອກະສານອ້າງອີງໃນການພັດທະນາທຸລະກິດກະສິກຳເຊັ່ນວ່າ: ການທົດລອງປູກພຶດ ແລະ ການຈັດຊື້ຜະລິດຕະພັນກະສິກຳໃນ ສປປ ລາວ....
ບໍລິສັດ Tsuge Pipe Co., Ltd. (ອາສາກຶສາ, ໂຕກຽວ – ຜູ້ຜະລິດ, ຈໍາໜ່າຍ ແລະ ນຳເຂົ້າສິນຄ້າສູບຢາເຊັ່ນ: ທໍ່, ເສັ້ນຢາສູບ, ອຸປະກອນສູບຢາ, ກອກຢາສູບ ແລະ ອຸປະກອນເສີມອື່ນໆ) ໄດ້ຕັດສິນໃຈລົງທຶນຢູ່ໃນເຂດເສດຖະກິດພິເສດນິຄົມອຸດສາຫະກໍາສະເພາະ ປາກເຊ – ຍີ່ປຸ່ນ. ວັນທີ 21 ຕຸລາ 2019, ຄະນະຄຸ້ມຄອງເຂດເສດຖະກິດພິເສດ ແຂວງ ຈຳປາສັກ ໄດ້ມອບໃບອະນຸຍາດລົງທຶນແລະ ໃບທະບຽນບໍລິສັດໃຫ້ແກ່ ບໍລິສັດ Tsuge Lao Co., Ltd. ບໍລິສັດຈະເລີ່ມດໍາເນີນການຜະລິດຢູ່ໃນໂຮງງານໃຫ້ເຊົ່າຫຼັງທີ່ 2.
ໃນວັນທີ 10 ຕຸລາ 2019, ໃນນາມຜູ້ຖືຫຸ້ນຂອງບໍລິສັດ ພັດທະນາເຂດເສດຖະກິດສະເພາະ ປາກເຊ-ຍີ່ປຸ່ນ ຈໍາກັດ, ທ່ານ ຄໍາພົນ ນວນແສງສີ ປະທານຄະນະກໍາມະການຄຸ້ມຄອງເຂດເສດຖະກິດພິເສດ ແຂວງ ຈໍາປາສັກ, ທ່ານ ວັນນະດາ ພົມມະສະຖິດ ປະທານ ບໍລິສັດ ສະຫວັນທີວີເອັສ ຄອນຊາວຕັນ ຈໍາກັດ, ທ່ານ Nobutoshi Takase, ປະທານ ບໍລິສັດ ນິຊິມັດຊຶ ກໍ່ສ້າງ ຈໍາກັດ ແລະ ພາກສ່ວນກ່ຽວຂ້ອງອື່ນໆ ໄດ້ເຂົ້າພົບ ທ່ານ ສົມສະໜິດ ບຸດຕິວົງ, ຮອງເຈົ້າແຂວງ ແຂວງ ຈໍາປາສັກ. ໃນລະຫວ່າງການປະຊຸມເຂດເສດຖະກິດພິເສດນິຄົມອຸດສາຫະກໍາຂະໜາດນ້ອຍຫາກາງ ປາກເຊ-ຍີ່ປຸ່ນ ຈໍາກັດ (PJSEZ) ໄດ້ລາຍງານສະພາບການພັດທະນາໃນປະຈຸບັນໃຫ້ທ່ານ ຮອງເຈົ້າແຂວງ ເພື່ອຮັບຊາບ. ທ່ານ ຮອງເຈົ້າແຂວງໄດ້ສະແດງຄວາມຂອບໃຈຕໍ່ທີມງານຂອງພວກເຮົາກ່ຽວກັບການລາຍງານດັ່ງກ່າວ ແລະ ໃຫ້ຄໍາໝັ້ນສັນຍາວ່າ ຈະສືບຕໍ່ຊຸກຍູ້ສົ່ງເສີມການລົງທືນຂອງບັນດາບໍລິສັດຍີ່ປຸ່ນ ຢູ່ໃນເຂດນິຄົມອຸດສາຫະກໍາຂະໜາດນ້ອຍຫາກາງ ປາກເຊ-ຍີ່ປຸ່ນໃຫ້ສຸດຄວາມສາມາດໃນຕໍ່ໜ້າ.
ໃນລະຫວ່າງວັນທີ 7 ເຖິງ 11 ຕຸລາ 2019, ບໍລິສັດ ພັດທະນາເຂດເສດຖະກິດສະເພາະ ປາກເຊ-ຍີ່ປຸ່ນ ຈໍາກັດໄດ້ຈັດສໍາມະນາກ່ຽວກັບການສ້ອມແປງບໍາລຸງຮັກສາ ແລະ ລະບົບໄຟຟ້າໂຮງງານໃຫ້ແກ່ບັນດາບໍລິສັດຍີ່ປຸ່ນທີ່ລົງທືນໃນເຂດເສດຖະກິດພິເສດນິຄົມອຸດສາຫະກໍາຂະໜາດນ້ອຍຫາກາງ ປາກເຊ-ຍີ່ປຸ່ນ ຢູ່ທີ່ສະຖາບັນໄທ-ເຢຍລະມັນ,ບາງກອກ,ປະເທດໄທ ພາຍໃຕ້ການການສະໜັບສະໜູນທືນໂດຍສະມາຄົມເພື່ອການຮ່ວມມືດ້ານວິຊາການຕ່າງປະເທດ ແລະ ການຮ່ວມມືແບບຍືນຍົງ (AOTS), ທິປຶກສາຄະນະມົນຕີເສດຖະກິດອາຊຽນ, ການຄ້າ ແລະ ອຸດສາຫະກຳຍີ່ປຸ່ນ – ດ້ານເສດຖະກິດ ແລະໂຄງການຄະນະກໍາມະການຮ່ວມມືອຸດສາຫະກໍາ(AMEICC),ເຊິ່ງມີນັກວິຊາການຄົນລາວເຂົ້າຮ່ວມທັງໝົດ 9 ທ່ານທີ່ມາຈາກ 4 ບໍລິສັດຜູ້ເຊົ່າຢູ່ໃນເຂດ. ການຝຶກອົບຮົມຄັ້ງນີ້ບັນດານັກວິຊາການໄດ້ຮຽນຮູ້ການປະກອບວົງຈອນໄຟຟ້າຂະໜາດນ້ອຍ ແລະ ລະບົບການເຮັດວຽກຂອງເຊັນເຊີເຊັ່ນວ່າເຄື່ອງຄວບຄຸມໂປແກຼມ(PLC) ທີ່ໃຊ້ສໍາລັບຄວບຄຸມສາຍປະກອບຂອງໂຮງງານຜະລິດເຄື່ອງຈັກອັດຕະໂນມັດ. ນອກຈາກນີ້ພວກເຂົາຍັງໄດ້ຮຽນຮູ້ທັກສະໃໝ່ໆຫຼາຍຢ່າງທີ່ມີຄວາມສຳຄັນໃນການປະຕິບັດງານຕົວຈິງຢູ່ພາຍໃນບໍລິສັດຂອງພວກເຂົາແລະ ນຳໃຊ້ຄວາມຮູ້ທີ່ໄດ້ຮຽນມານັ້ນເພື່ອປະກອບສ່ວນເຂົ້າໃນການພັດທະນາບໍລິສັດຜູ້ເຊົ່າໃຫ້ໄດ້ຮັບຜົນສຳເລັດຍິ່ງຂື້ນ.
ວັນທີ 3 ກັນຍາ 2019, ບໍລິສັດ ພັດທະນາເຂດເສດຖະກິດສະເພາະປາກເຊ – ຍີ່ປຸ່ນ ຈໍາກັດໄດ້ເຊັນບົດບັນທຶກການຮ່ວມມື (MOC) ຮ່ວມກັບອົງການສົ່ງເສີມການຄ້າຍີປຸ່ນ (JETRO) ໂດຍມີວັດຖຸປະສົງເພື່ອການຮ່ວມມື ແລະ ສົ່ງເສີມການລົງທືນ ແລະ ບັນດາບໍລິສັດຍີ່ປຸ່ນໃນສປປລາວ ຢູ່ທີ່ຫ້ອງການສົ່ງເສີມ ແລະ ຄຸ້ມຄອງເຂດເສດຖະກິດພິເສດ, ກະຊວງ ແຜນການ ແລະ ການລົງທືນ. ໃນວັນດຽວກັນ, ອົງການສົ່ງເສີມການຄ້າຍີປຸ່ນ (JETRO)ກໍ່ໄດ້ເຊັນບົດບັນທຶກທີ່ຄ້າຍຄືກັນກັບເຂດເສດຖະກິດພິເສດອື່ນໆໃນລາວເຊັ່ນວ່າ ເຂດພັດທະນາກວມລວມໄຊເສດຖາ, ເຂດເສດຖະກິດພິເສດສະຫວັນ – ເຊໂນ, ເຂດເສດຖະກິດພິເສດວິຕາ-ປາກ, ແລະ ເລັ່ງການ ແລກປ່ຽນຂໍ້ມູນຂ່າວສານໃນແຕ່ລະເຂດເສດຖະກິດພິເສດເຊິ່ງກັນແລະກັນ.
ບໍລິສັດ ພັດທະນາເຂດເສດຖະກິດສະເພາະ ປາກເຊ-ຍີ່ປຸ່ນ ຈໍາກັດ ຕ້ອງການເພື່ອນຮ່ວມງານ 1 ຕໍາແໜ່ງຄື: ຜູ້ຈັດການໂຮງງານ # ເງື່ອນໄຂຂອງຜູ້ສະມັກ: – ເພດ ຍິງ ຫຼື ຊາຍ – ອາຍຸ 25-40 ປີ – ຈົບຂະແໜງ ບໍລິຫານທຸລະກິດ ຫຼື ສາຂາທີ່ກ່ຽວຂ້ອງ. – ມີປະສົບການເຮັດວຽກມາກ່ອນຢ່າງໜ້ອຍ 3 ປີ ຂື້ນໄປ. – ສາມາດເວົ້າ, ຟັງ, ອ່ານ ແລະ ຂຽນ ພາສາຍີ່ປຸ່ນ ຫຼື ພາສາອັງກິດໄດ້ເປັນຢ່າງດີ. – ສາມາດນໍາໃຊ້ Microsoft Offices ແລະ Internet ເປັນຢ່າງດີ. – ມີຄວາມຫ້າວຫານໃນການເຮັດວຽກ ແລະ ມະນຸດສໍາພັນດີ. – ຄ່າຕອບແທນສູງ # ກະລຸນາສົ່ງເອກະສານເຂົ້າມາສະມັກໄດ້ທີ່: ສໍານັກງານ ບໍລິສັດ ພັດທະນາເຂດເສດຖະກິດສະເພາະ ປາກເຊ-ຍີ່ປຸ່ນ ຈໍາກັດ, ບ້ານ ຫລັກ 19, ເມືອງ ປະທຸມພອນ, ແຂວງ ຈໍາປາສັກ,...
Next Blog
