ສະຖາບັນຄົ້ນຄ້ວານະໂຍບາຍ ແລະ ຝຶກອົບຮົມແຮງງານ ປະເທດຍີ່ປຸ່ນໄດ້ເຂົ້າມາຢ້ຽມຢາມ ຂພສ ນິຄົມອຸດສາຫະກໍາສະເພາະ ປາກເຊ-ຍີ່ປຸ່ນ.

ສະຖາບັນຄົ້ນຄ້ວານະໂຍບາຍ ແລະ ຝຶກອົບຮົມແຮງງານປະເທດຍີ່ປຸ່ນໄດ້ເຂົ້າມາສໍາພັດບັດດາບໍລິສັດ ຍີ່ປຸ່ນທີ່ພວມດໍາເນີນກິດຈະກໍາຢູ່ໃນ ຂພສ ນິຄົມອຸດສາຫະກໍາຂະໜາດນ້ອຍຫາກາງ ປາກເຊ-ຍີ່ປຸ່ນ ຕັ້ງແຕ່ວັນທີ່ 12-13 ກັນຍາ 2019.

ອາຈານ 3 ທ່ານຈາກ ສະຖາບັນຄົ້ນຄ້ວານະໂຍບາຍ ແລະ ຝຶກອົບຮົມແຮງງານ ປະເທດຍີ່ປຸ່ນໄດ້ເຂົ້າມາເກັບກໍາຂໍ້ມູນນໍາ ບໍລິສັດ ຍີ່ປຸ່ນ 5 ແຫ່ງເຊັ່ນວ່າ: ບໍລິສັດ Sanko Lao Co., Ltd., Power (Pakse) Co., Ltd., Leonka World Lao Co., Ltd., Lao Ochi Cosmetic Bruch Co., Ltd.  ບໍລິສັດ All Japan Budo gu Lao Co., Ltd.  ກ່ຽວກັບປະຫວັດຄວາມເປັນມາ ແລະ ການຕັດສິນໃຈເຂົ້າມາລົງທຶນຢູ່ໃນ ຂພສ ນິຄົມອຸດສາຫະກໍາສະເພາະ ປາກເຊ-ຍີ່ປຸ່ນ ແລະ ການບໍລິຫານຈັກການແຮງງານຂອງບັນດາບໍລິສັດດັ່ງກ່າວ.

ສະຖາບັນຄົ້ນຄວ້ານະໂຍບາຍ ແລະ ຝຶກອົບຮົມແຮງງານປະເທດຍີ່ປຸ່ນຈະນໍາເອົາຂໍ້ມູນເຫຼົ່ານີ້ ໄປຕີພີມເປັນປື້ມຄູ່ມືກ່ຽວກັບບັນຍາກາດ ຂອງການລົງທຶນຢູ່ໃນ ຂພສ ນິຄົມອຸດສາຫະກໍາສະເພາະ ປາກເຊ-ຍີ່ປຸ່ນ.