ການຈັດສໍາມະນາ AOTS 5S

ວັນທີ 20-24 ສິງຫາ 2018 ໄດ້ຈັດສໍາມະນາ AOTS 5S ຂື້ນຢູ່ທີ່ ໂຮງແຮມ ຈໍາປາສັກ ແກຣນ.

ການສໍາມະນາຄັ້ງນີ້ເປັນສ່ວນໜື່ງຂອງການຮ່ວມມືທາງດ້ານເສດຖະກິດ ແລະ ອຸດສາຫະກໍາລະຫວ່າງປະເທດຍີ່ປຸ່ນ ແລະ ອາຊຽນ ໂດຍການສະໜັບສະໜູນຂອງອົງການການພັດທະນາທາງດ້ານ

ຊັບພະຍາກອນມະນຸດຢູ່ຕ່າງປະເທດ(AOTS), ສະພາການຄ້າ ແລະ ອຸດສາຫະກໍາ ແຫ່ງຊາດລາວ ແລະ ເຂດເສດຖະກິດພິເສດນິຄົມອຸດສາຫະກໍາຂະໜາດນ້ອຍຫາກາງ ປາກເຊ-ຍີ່ປຸ່ນ (PJSEZ).

ໂຄງການສໍາມະນາຄັ້ງນີ້ ແມ່ນແນ່ໃສ່ພັດທະນາທັກສະ ແລະ ຄວາມສາມາດຂອງວິຊາການຄົນລາວຜູ້ທີ່ພວກເຮັດວຽກນໍາ

ບັນດາບໍລິສັດຍີ່ປຸ່ນ ຢູ່ໃນ ຂພສ ນິຄົມອຸດສາຫະກໍາຂະໜາດນ້ອຍຫາກາງ ປາກເຊ-ຍີ່ປຸ່ນ ແລະ ແຂວງ ຈໍາປາສັກ.

ການສໍາມະນາ ແລະ ຝຶກອົບຮົມກ່ຽວກັບວຽກງານ 5S, Kaizen, QC ຈະໄດ້ດໍາເນີນຕັ້ງແຕ່ ເວລາ 9 ໂມງເຊົ້າ ຫາ 16 ໂມງ ແລງ ເປັນເວລາຕິດຕໍ່ກັນ 5 ວັນ ເຊິ່ງຄູຝຶກໃນຄັ້ງນີ້ ແມ່ນອາຈານຄົນໄທທີ່ໄດ້ຮັບກຽດເຊື້ອເຊີນໂດຍ ອົງການສົ່ງເສີມດ້ານເຕັກໂນໂລຊີ ປະເທດໄທ-ຍີ່ປຸ່ນ.

ວັນສຸດທ້າຍຂອງການສໍາມະນາມີນັກສໍາມະນາກອນ 49 ທ່ານ ທີ່ສໍາເລັດຫຼັກສູດການຝຶກອົບຮົມ ພ້ອມທາງໄດ້ຮັບໃບຢັ້ງຢືນຈາກອົງການ AOTS.

ຫວັງວ່າບັນດານັກສໍາມະນາກອນຈະນໍາເອົາຄວາມຮູ້ເຫຼົ່ານີ້ ກັບໄປໝູນໃຊ້ໃຫ້ເກີດຜົນປະໂຫຍດສຸງສຸດ ຢູ່ພາຍໃນອົງກອນຂອງເຂົາເຈົ້າໃນຕໍ່ໜ້າ.