ໃນວັນທີ 24 ມີນາ 2026, ກອງປະຊຸມປຶກສາຫາລືຮ່ວມ ລະຫວ່າງ ພາກລັດ ແລະ ເອກະຊົນ ຍີ່ປຸ່ນ-ລາວ ຄັ້ງທີ 5 ໄດ້ຖືກຈັດຂຶ້ນທີ່ຫ້ອງປະຊຸມຂອງຫ້ອງວ່າການແຂວງຈຳປາສັກ, ໂດຍມີສະພາການຄ້າ ແລະ ອຸດສາຫະກຳຍີ່ປຸ່ນ ປະຈຳ ສປປ ລາວ ສາຂາປາກເຊ (JCCIL) ແລະ ລັດຖະບານແຂວງຈຳປາສັກ ເປັນເຈົ້າພາບຮ່ວມກັນໃນການຈັດກອງປະຊຸມຄັ້ງນີ້. ມີຜູ້ຕ່າງໜ້າຈາກຝ່າຍຍີ່ປຸ່ນເຂົ້າຮ່ວມປະມານ 20 ທ່ານ, ເຊິ່ງລວມມີເຈົ້າໜ້າທີ່ຈາກສະຖານທູດຍີ່ປຸ່ນປະຈຳລາວ, ອົງການ JETRO, JICA, ແລະ JCCIL, ສ່ວນຜູ້ຕ່າງໜ້າຈາກຝ່າຍແຂວງຈຳປາສັກເຂົ້າຮ່ວມປະມານ 25 ທ່ານ. ກອງປະຊຸມຄັ້ງນີ້ ໄດ້ໃຫ້ກຽດເປັນປະທານຮ່ວມໂດຍ ພະນະທ່ານ ເອກອັກຄະລັດຖະທູດ ໂຄອິຊຶມິ ຈາກສະຖານທູດຍີ່ປຸ່ນປະຈຳລາວ ແລະ ທ່ານ ປອ. ສຸກສະຫວັນ ວິໄລວົງ ປະທານຄະນະກຳມະການປົກຄອງແຂວງຈຳປາສັກ ຈາກແຂວງຈຳປາສັກ, ແລະ ກອງປະຊຸມໄດ້ດຳເນີນໄປໃນຮູບແບບການໂຕ້ຕອບ, ໂດຍຝ່າຍຍີ່ປຸ່ນໄດ້ລາຍງານຂໍ້ສະເໜີຂອງຕົນ ແລະ ຝ່າຍແຂວງຈຳປາສັກໄດ້ໃຫ້ຄໍາຊີ້ແຈງ ແລະ ຄໍາຕອບຂອງຕົນໃຫ້ແກ່ຝ່າຍຍີ່ປຸ່ນ. ໃນປີນີ້, ທາງຝ່າຍຍີ່ປຸ່ນໄດ້ມີການສະເໜີ 5 ຫົວຂໍ້ເພື່ອປຶກສາຫາລືຮ່ວມກັນ ເຊັ່ນວ່າ: (1) ການປັບປຸງລາຄາໄຟຟ້າສຳລັບບໍລິສັດໃນເຂດເສດຖະກິດພິເສດ; (2) ການປັບປຸງເສັ້ນທາງແຫ່ງຊາດເລກທີ...
ໃນວັນທີ 23 ມີນາ 2026, ພະນະທ່ານ ໂຄອິຊຶມິ ຊຶໂຕະມຶ ເອກອັກຄະລັດຖະທູດຍີ່ປຸ່ນປະຈຳ ສປປ ລາວ ພ້ອມດ້ວຍທີມງານ ຈາກສະຖານທູດຍີ່ປຸ່ນປະຈຳ ສປປ ລາວ ໄດ້ເຂົ້າມາຢ້ຽມຢາມເຂດເສດຖະກິດພິເສດ ປາກເຊ-ຍີ່ປຸ່ນ ເອັສເອັມອີ (ຂພສປຍ) ເພື່ອສັງເກດເບິ່ງສະພາບແວດລ້ອມໃນການລົງທຶນ ແລະ ດໍາເນີນທຸລະກິດຂອງບໍລິສັດຍີ່ປຸ່ນ ຢູ່ໃນ ຂພສປຍ. ທ່ານ ເອກອັກຄະລັດຖະທູດ ໂຄອິຊຶມິ ໄດ້ຮັບການຕ້ອນຮັບຢ່າງອົບອຸ່ນຈາກ ທ່ານ ໂມຈິຊຶກິ ຜູ້ອຳນວຍການໃຫຍ່ຂອງ ຂພສປຍ ທີ່ຫ້ອງການບໍລິຫານຂອງ ຂພສປຍ ແລະ ທ່ານ ເອກອັກຄະລັດຖະທູດ ໂຄອິຊຶມິ ໄດ້ຮັບຟັງການລາຍງານໂດຍຫຍໍ້ກ່ຽວກັບສະພາບ ການພັດທະນາ ແລະ ການລົງທຶນຂອງ ຂພສປຍ ໃນປະຈຸບັນ ລວມທັງໂອກາດຄວາມເປັນໄປໄດ້ຂອງການສ້າງເປັນເຂດນິຄົມອຸດສາຫະກຳທີ່ບໍ່ມີການປ່ອຍມົນລະພິດ ໃນອະນາຄົດ. ຫຼັງຈາກໄດ້ຮັບຟັງການລາຍງານຂອງ ຂພສປຍ ແລ້ວ, ທ່ານ ເອກອັກຄະລັດຖະທູດ ໂຄອິຊຶມິ ແລະ ທີມງານໄດ້ເຂົ້າໄປຢ້ຽມຊົມໂຮງງານທົດລອງຂອງບໍລິສັດ ລາວ ກຣີນ ໄຮໂດຣເຈນ ຈໍາກັດ ເຊິ່ງເປັນໂຮງງານຜະລິດກາເຟຂົ້ວດ້ວຍໄຮໂດຣເຈນ. ທ່ານເອກອັກຄະລັດຖະທູດ ໂຄອິຊຶມິ ໄດ້ໄປສັງເກດເບິ່ງຂະບວນການຜະລິດ ແລະ ຮຽນຮູ້ກ່ຽວກັບການມີສ່ວນຮ່ວມຂອງບໍລິສັດຕໍ່ການລິເລີ່ມໂຄງການດ້ານພະລັງງານສະອາດ ແລະ ການພັດທະນາອຸດສາຫະກຳທ້ອງຖິ່ນ....
ໃນວັນທີ 13 ມີນາ 2026, ທ່ານ ໂພໄຊ ໄຊຍະສອນ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ (ຮສສ) ຂອງ ສ ປປ ລາວ ພ້ອມດ້ວຍຄະນະຜູ້ແທນຈາກລັດຖະບານຂັ້ນສູນກາງ, ນະຄອນຫຼວງວຽງຈັນ ແລະ ພະນັກງານການນຳຂັ້ນແຂວງຈຳນວນໜຶ່ງ ພ້ອມດ້ວຍຄະນະກຳມະການສົ່ງເສີມ ແລະ ຄຸ້ມຄອງການລົງທຶນແຂວງຈຳປະສັກ (ຫລທ.ຈສ) ໄດ້ເຂົ້າຮ່ວມລົງເຄືອນໄຫວຢ້ຽມຢາມເຂດເສດຖະກິດນິຄົມອຸດສາຫະກຳຂະໜາດນ້ອຍຫາກາງ ປາກເຊ-ຍີ່ປຸ່ນ (ຂພສປຍ) ໂດຍໄດ້ຮັບການຕອບຮັບຢ່າງອົບອຸ່ນຈາກທ່ານ ໂມຈິຊູກິ ໂຕຊິຮີໂຣ, ຜູ້ອຳນວນການໃຫຍ່ຂອງ ຂພສປຍ ພອມດ້ວຍພະນັກງານ. ໃນລະຫວ່າງການຢ້ຽມຢາມ, ທ່ານລັດຖະມົນຕີ ພ້ອມດ້ວຍຄະນະໄດ້ໄປຢ້ຽມຊົມໂຮງງານ ລາວ ກຣີນ ໄຮໂດຣເຈນ, ເຊິ່ງເປັນໂຄງການຂົ້ວກາເຟດ້ວຍໄຮໂດຣເຈນ, ເຊິ່ງປັດຈຸບັດນີ້ກຳລັງດຳເນີນໂຮງງານທົດລອງຢູ່ໃນໂຮງງານໃຫ້ເຊົ່າຂອງ ຂພສປຍ, ໃນຂະນະທີ່ໂຮງງານຫຼັກແມ່ນກຳລັງຢູ່ໃນໄລຍະດຳເນີນການກໍ່ສ້າງ. ທ່ານລັດຖະມົນຕີ ໄດ້ກ່າວສະແດງຄວາມຂອບໃຈຕໍ່ກັບ ຂພສປຍ ທີ່ໄດ້ສະໜອງການວຽກເຮັດງານທຳໃຫ້ແກ່ຄົນຢູ່ໃນທ້ອງຖິ່ນ ແລະ ໄດ້ເນັ້ນໜັກເຖິງຄວາມສຳຄັນຕໍ່ການສ້າງໂອກາດຂອງການຈ້າງງານຢູ່ທາງພາກໃຕ້ຂອງລາວ ໃນອະນາຄົດ. ນອກຈາກນີ້, ທ່ານລັດຖະມົນຕີຍັງໄດ້ໃຫ້ຄຳໝັ້ນສັນຍາວ່າ ທາງລັດຖະບານຂັ້ນສູນກາງຈະໃຫ້ການສະໜັບສະໜູນພະແນກແຮງງານ ແລະ ສະຫວັດດີການແຂວງ ໃນການຈັດຝຶກອົບຮົມແຮງງານເພີ່ມເຕີມ ເພື່ອສະໜອງ ແລະ ຮອງຮັບຄວາມຕ້ອງການຂອງບໍລິສັດຕ່າງຢູ່ພາຍໃນ ຂພສປຍ ໃນອະນາຄົດອັນໃກ້ໆນີ້.
ພາລະກິດທຸລະກິດການລົງທຶນດ້ານກະສິກຳ ແລະ ອຸປະກອນກະສິກຳໃນລາວ ເຊິ່ງເປັນເຈົ້າພາບຈັດຂຶ້ນໂດຍອົງການສົ່ງເສີມການຄ້າຕ່າງປະເທດຂອງຍີ່ປຸ່ນ (JETRO) ໃນລະຫວ່າງວັນທີ 03-06 ມີນາ 2026. ຄະນະຜູ້ເຂົ້າຮ່ວມໄດ້ເດີນທາງໄປຢ້ຽມຢາມຫຼາຍໆເຂດທາງພາກເໜືອ ແລະ ພາກໃຕ້ ຂອງ ສປປ ລາວ, ລວມທັງການໄປຢ້ຽມຢາມສວນກະສິກຳ ແລະ ຕະຫຼາດ, ການແລກປ່ຽນຄວາມຄິດເຫັນກ່ຽວກັບທຸລະກິດກະສິກຳ ກັບ ບັນດາຜູ້ບໍລິຫານດ້ານກະສິກຳ, ການເກັບກຳຂໍ້ມູນຈາກບັນດາບໍລິສັດທີ່ກ່ຽວຂ້ອງດ້ານກະສິກຳຂອງ ສປປ ລາວ ແລະ ໜ່ວຍງານທາງພາກລັດ, ການສ້າງເຄືອຂ່າຍທຸລະກິດ ແລະ ການປະຊຸມທຸລະກິດສ່ວນບຸກຄົນກັບບໍລິສັດຂອງລາວ ແລະ ລວມທັງການສ້າງເຄືອຂ່າຍ ລະຫວ່າງຜູ້ເຂົ້າຮ່ວມພາລະກິດ. ໃນມື້ສຸດທ້າຍຂອງພາລະກິດ, ວັນທີ 06 ມີນາ 2026, ຄະນະຜູ້ເຂົ້າຮ່ວມໄດ້ເຂົ້າມາຢ້ຽມຢາມ ເຂດເສດຖະກິດພິເສດ ປາກເຊ-ຍີ່ປຸ່ນ ເອັສເອັມອີ (ຂພສປຍ). ຢູ່ທີ່ ຂພສປຍ, ທ່ານ ໂມຈິຊຶກິ, ຜູ້ອຳນວຍການໃຫຍ່ຂອງ ຂພສປຍ ໄດ້ບັນລະຍາຍກ່ຽວກັບພາບລວມຂອງ ຂພສປຍ ໃຫ້ຜູ້ເຂົ້າຮ່ວມພາລະກິດທຸກທ່ານ ເພື່ອຮັບຟັງ. ຫຼັງຈາກນັ້ນ, ທາງຄະນະໄດ້ເຂົ້າໄປຢ້ຽມຊົມບາງໂຮງງານຕົ້ນແບບຂອງການຂົ້ວກາເຟດ້ວຍພະລັງງານໄຮໂດຣເຈນຂອງບໍລິສັດ ລາວ ກຣິນ ໄຮໂດຣເຈນ (LGH) ແລະ ໂຮງງານຢາສູບ ຊຶເກະ ລາວ. ທີ່ໂຮງງານຂອງ LGH, ຄະນະຜູ້ເຂົ້າຮ່ວມໄດ້ຮັບຟັງການອະທິບາຍໂດຍຫຍໍ້ກ່ຽວກັບກາເຟຂົ້ວດ້ວຍພະລັງງານໄຮໂດຣເຈນ...
ວັນທີ 05 ທັນວາ 2025, ສະຖານກົງສຸນກິດຕິມະສັກ ແຫ່ງ ສປປ ລາວ ປະຈຳ ເມືອງ ນາໂກຢາ ແລະ ແຂວງຈຳປາສັກ ໄດ້ຈັດພິທີມອບຮັບ ແລະ ເປີດນໍາໃຊ້ຫໍສຽນພຣະພຸດທະຮູບ “ຫໍສຽນພຣະ ລາວ-ຍີ່ປຸ່ນ ຫຼື Lao-Nichi An” ເພື່ອປະດິດສະຖານສຽນພຣະພຸດທະຮູບທີ່ປະຊາຊົນຍີ່ປຸ່ນ ໄດ້ສົ່ງກັບຄືນມາລາວ ຢູ່ທີ່ວັດທາດ, ບ້ານວັດທາດ, ເມືອງຈໍາປາສັກ, ແຂວງຈຳປາສັກ. ຊາວຍີ່ປຸ່ນຄົນໜຶ່ງ ທີ່ອາໄສຢູ່ໃນເມືອງນາໂກຢາ ໄດ້ຊື້ສຽນພຣະພຸດທະຮູບອົງນີ້ ຈາກພໍ່ຄ້າຂອງວັດຖຸບູຮານໃນປະເທດໄທ ແລະ ຜ່ານການສຶບຄົ້ນຫາຂໍ້ມູນອັນລະອຽດຂອງສຽນພະດັ່ງກ່າວຕໍ່ມາພົບວ່າ ສຽນພຣະອົງນີ້ ມີຕົ້ນກຳເນີດມາຈາກວັດພູ ທີ່ເປັນມໍລະດົກໂລກຂອງອົງການ UNESCO, ຄົນຍີ່ປຸ່ນທີ່ເປັນເຈົ້າຂອງ ຈຶ່ງມີຄວາມປະສົງຢາກສົ່ງຄືນສຽນພຣະດັ່ງກ່າວໃຫ້ກັບປະເທດລາວ. ພິທີດັ່ງກ່າວໄດ້ໃຫ້ກຽດເຂົ້າຮ່ວມໂດຍທ່ານ ຢາຊຶຢຶກິ ໂອຮາຣະ ກົງສຸນກິດຕິມະສັກ ແຫ່ງ ສປປ ລາວ ປະຈໍາເມືອງນາໂກຢາ, ທ່ານ ຊຶໂຕະມຶ ໂຄອິຊຶມິ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງຍີ່ປຸ່ນ ປະຈຳ ສປປ ລາວ, ທ່ານ ປອ. ອະລຸນໄຊ ສູນນະລາດ ເລຂາພັກແຂວງຈຳປາສັກ, ທ່ານ ປອ. ສຸກສະຫວັນ ວິໄລວົງ ປະທານຄະນະກໍາມະການປົກຄອງແຂວງ...
ໃນວັນທີ 28 ພະຈິກ 2025, ບໍລິສັດ ລາວ ໄຮໂດຣເຈັນ ສະອາດ ຈຳກັດ (LGH) ໄດ້ຈັດພິທີວາງສີລາລຶກໂຄງການກໍ່ສ້າງໂຮງງານຂົ້ວກາເຟດ້ວຍໄຮໂດຣເຈນຂຶ້ນຢ່າງເປັນທາງການ ໃນເຂດເສດຖະກິດພິເສດປາກເຊ-ຍີ່ປຸ່ນ (ຂພສປຍ), ບ້ານ ຫຼັກ19, ເມືອງປະທຸມພອນ, ແຂວງຈຳປາສັກ. ການກໍ່ສ້າງໂຮງງານຂົ້ວກາເຟດ້ວຍໄຮໂດຣເຈນຂອງ LGH ຄາດວ່າຈະສຳເລັດພາຍໃນ 1.5 ປີ ນັບແຕ່ເດືອນທັນວາ 2025 ຫາເດືອນເມສາ 2027. ໃນພິທີດັ່ງກ່າວມີຜູ້ຕ່າງໜ້າຈາກຄະນະກຳມະການຄຸ້ມຄອງເຂດເສດຖະກິດພິເສດແຂວງຈຳປາສັກ, ພະແນກໂຍທາທິການ ແລະ ຂົນສົ່ງແຂວງ, ພະແນກວັດທະນະທຳ ແລະ ທ່ອງທ່ຽວ, ຄະນະກຳມະການບໍລິຫານເມືອງປະທຸມພອນ, ແລະ ບ້ານ ຫຼັກ19, ພ້ອມທັງຜູ້ຕ່າງໜ້າຈາກ LGH, ຜູ້ຮັບເໝົາ EPC ແລະ ບໍລິສັດຍີ່ປຸ່ນຈຳນວນໜຶ່ງໃນ ຂພສປຍ ແລະ ບໍລິສັດທ້ອງຖິ່ນອື່ນໆທີ່ກ່ຽວຂ້ອງກັບໂຄງການນີ້ ເຂົ້າຮ່ວມງານ. ໃນການກ່າວເປີດງານຂອງທ່ານ Ryutaro Nishio, ປະທານບໍລິສັດ LGH ໃນລະຫວ່າງພິທີເປີດ ໄດ້ເນັ້ນຢ້ຳເຖິງຄວາມມຸ່ງໝັ້ນຂອງບໍລິສັດໃນການສົ່ງເສີມນະວັດຕະກຳສີຂຽວ ແລະ ການພັດທະນາອຸດສາຫະກຳທີ່ເປັນມິດຕໍ່ກັບສິ່ງແວດລ້ອມ. ບໍລິສັດມີເປົ້າໝາຍທີ່ຈະນຳສະເໜີຮູບແບບໃໝ່ຂອງການຜະລິດພະລັງງານສະອາດ ໂດຍການນຳໃຊ້ເຕັກໂນໂລຊີໄຮໂດຣເຈັນສີຂຽວ ເພື່ອຂົ້ວເມັດກາເຟທີ່ມີຄຸນນະພາບສູງ, ເຊິ່ງຖືເປັນບາດກ້າວທີ່ສຳຄັນໄປສູ່ການປະຕິບັດອຸດສາຫະກຳທີ່ເປັນມິດຕໍ່ກັບສິ່ງແວດລ້ອມໃນ ຂພສປຍ. ພາຍຫຼັງຈາກພິທີຕັດໂບ, ແຂກທີ່ເຂົ້າຮ່ວມທັງໝົດໄດ້ໄປຢ້ຽມຊົມໂຮງງານຕົ້ນແບບຂົ້ວກາເຟດ້ວຍໄຮໂດຣເຈັນທີ່ໂຮງງານໃຫ້ເຊົ່າໃນ ຂພສປຍ ເຊິ່ງໄດ້ກໍ່ສ້າງສຳເລັດໃນເດືອນທີ່ຜ່ານມາ,...
ໃນວັນທີ 12 ກັນຍາ 2025, ເຂດເສດຖະກິດພິເສດ ປາກເຊ-ຍີ່ປຸ່ນ ເອັສເອັມອີ (ຂພສປຍ) ໄດ້ມອບເງິນຈໍານວນ 50,000,000 ກີບ ໃຫ້ແຂວງຈໍາປາສັກ ເພື່ອສະໜັບສະໜູນການກະກຽມຈັດກອງປະຊຸມໃຫຍ່ ຜູ້ແທນອົງຄະນະພັກແຂວງຈໍາປາສັກ ຄັ້ງທີ 9 ທີ່ຈະຈັດຂຶ້ນໃນລະຫວ່າງວັນທີ 25-26 ກັນຍາ 2025. ໃນລະຫວ່າງພິທີມອບຮັບເງິນປະກອບສ່ວນຊຸກຍູ້ກອງປະຊຸມ, ທ່ານ Mochizuki ຜູ້ອໍານວຍການໃຫຍ່ຂອງ ຂພສປຍ ໄດ້ລາຍງານໂດຍຫຍໍ້ກ່ຽວກັບສະພາບການດໍາເນີນທຸລະກິດປະຈຸບັນໃນ ຂພສປຍ ແລະ ໄດ້ສັງລວມແຜນການໃນອະນາຄົດ ເພື່ອດຶງດູດເອົາການລົງທຶນທັງພາຍໃນ ແລະ ຕ່າງປະເທດເພີ່ມຕື່ມ. ທ່ານ ປອ ອາລຸນໄຊ ສູນນະລາດ ເຈົ້າແຂວງຈຳປາສັກໄດ້ກ່າວສະແດງຄວາມຂອບໃຈເປັນຢ່າງສູງຕໍ່ການສະໜັບສະໜຸນ ແລະ ປະກອບສ່ວນຂອງ ຂພສປຍ ແລະ ໄດ້ກ່າວຕື່ມອີກວ່າ ທາງລັດຖະບານຂັ້ນແຂວງ ແມ່ນກຳລັງເຮັດວຽກໃນການພັດທະນາກົນໄກການລົງທຶນໃຫ້ມີຄວາມເຂັ້ມແຂງຂຶ້ນຕື່ມ ພ້ອມທັງປັບປຸງສິ່ງອຳນວຍຄວາມສະດວກຕ່າງໆ ເພື່ອສ້າງສະພາບແວດລ້ອມທີ່ເອື້ອອຳນວຍຕໍ່ການລົງທຶນຈາກຕ່າງປະເທດໃຫ້ຫຼາຍຂຶ້ນ. ການປະກອບສ່ວນດັ່ງກ່າວນີ້ ແມ່ນເປັນການສະທ້ອນໃຫ້ເຫັນເຖິງຄວາມມຸ່ງໝັ້ນຢ່າງຕໍ່ເນື່ອງຂອງ ຂພສປຍ ໃນການສະໜັບສະໜຸນການພັດທະນາຂອງແຂວງຈໍາປາສັກ ແລະ ສົ່ງເສີມຄວາມຮ່ວມມືທີ່ແໜ້ນແຟ້ນຍິ່ງຂຶ້ນກັບອຳນາດການປົກຄອງທ້ອງຖິ່ນ ແລະ ລັດຖະບານລາວ. ໃນຕອນທ້າຍ, ທ່ານເຈົ້າແຂວງໄດ້ໃຫ້ຄຳໝັ້ນສັນຍາວ່າ ທາງແຂວງຈຳປາສັກ ແລະ ລັດຖະບານຂັ້ນສູນກາງຂອງ ສປປ ລາວ ແມ່ນຈະສືບຕໍ່ໃຫ້ການສະໜັບສະໜູນການພັດທະນາ ແລະ ການດຳເນີນກິດຈະການຂອງ ຂພສປຍ...
ໃນຄັ້ງວັນທີ 05 ກັນຍາ 2025, ຄະນະຄຸ້ມຄອງເຂດເສດຖະກິດພິເສດ ແຂວງຈຳປາສັກ (ຄຂສພ) ຮ່ວມກັບພະແນກສາທາລະນະສຸກແຂວງ ແລະ ໂຮງໝໍແຂວງ ແຂວງຈຳປາສັກ ໄດ້ເຂົ້າມາເຄື່ອນໄຫວກວດກາວຽກງານດ້ານສຸຂະນາໄມ ແລະ ສຸຂະພາບແຮງງານຂອງບັນດາໂຮງງານທີ່ຕັ້ງຢູ່ໃນເຂດເສດຖະກິດພິເສດປາກເຊ-ຍີ່ປຸ່ນ ເອັສເອັມອີ (ຂພສປຍ). ກ່ອນການລົງກວດກາແຕ່ລະໂຮງງານ, ໄດ້ມີການຈັດສໍາມະນາທີ່ຫ້ອງປະຊຸມຂອງ ຂພສປຍ. ໃນການສໍາມະນາຄັ້ງນີ້, ຜູ້ເຂົ້າຮ່ວມຈາກແຕ່ລະໂຮງງານໄດ້ຮຽນຮູ້ກ່ຽວກັບພະຍາດຕ່າງໆທີ່ມັກເກີດຂຶ້ນໃນຊ່ວງລະດູຝົນ, ໂດຍສະເພາະ ແມ່ນໄຂ້ມາລາເຣຍ, ໄຂ້ເລືອດອອກ ເຊິ່ງແຜ່ກະຈາຍເຊື້ອໂດຍຍຸງ. ນອກຈາກນີ້, ທາງພະແນກສາທາລະນະສຸກ ຍັງໄດ້ໃຫ້ຄໍາແນະນໍາກ່ຽວກັບການປ້ອງກັນ ແລະ ມາດຕະການໃນການຄວບຄຸມ ລວມທັງການອະທິບາຍໂດຍລວມກ່ຽວກັບກົດໝາຍ ແລະ ລະບຽບການທີ່ກ່ຽວຂ້ອງກັບແຮງງານ, ສຸຂະນາໄມ ແລະ ສຸຂະພາບ. ແນວຄວາມຄິດລິເລີ່ມດັ່ງກ່າວນີ້ ແມ່ນມີຈຸດປະສົງເພື່ອຮັບປະກັນຄວາມປອດໄພ ແລະ ສຸຂະພາບຂອງແຮງງານທັງພາຍໃນ ແລະ ຕ່າງປະເທດ ລວມທັງການປ້ອງກັນການລະບາດຂອງພະຍາດທີ່ອາດຈະເກີດຂຶ້ນ, ໂດຍສະເພາະໃນຊ່ວງລະດູຝົນ ເຊິ່ງໄດ້ມີການຕິດຕາມ ແລະ ເຝົ້າລະວັງຢູ່ສະໝ່ຳສະເໝີ ເພື່ອຮັກສາສະພາບແວດລ້ອມໃນການເຮັດວຽກທີ່ປອດໄພ ແລະ ຖືກຫຼັກສຸຂະນາໄມ ຕາມກົດໝາຍ ແລະ ລະບຽບການທີ່ກ່ຽວຂ້ອງ ຂອງ ສປປ ລາວ. ຄຂສພ ໄດ້ມີການຊຸກຍູ້ໃຫ້ທຸກບໍລິສັດ ແລະ ໂຮງງານ ໃຫ້ຄວາມຮ່ວມມືຢ່າງເຕັມທີ່ ແລະ ມີສ່ວນຮ່ວມຢ່າງຫ້າວຫັນໃນການຮັກສາສຸຂະນາໄມໃນສະຖານທີ່ເຮັດວຽກ ແລະ ການຈັດຕັ້ງປະຕິບັດມາດຕະການດ້ານສຸຂະພາບທີ່ຈຳເປັນຕ່າງໆ....
ໃນລະຫວ່າງວັນທີ 22-23 ກໍລະກົດ 2025, ພະແນກຕຳຫຼວດສະກັດກັ້ນ ແລະ ຕ້ານອັກຄີໄພ ແຂວງຈຳປາສັກ ຮ່ວມກັບຄະນະຄຸ້ມຄອງເຂດເສດຖະກິດພິເສດ ໄດ້ດຳເນີນການກວດສອບລະບົບປ້ອງກັນອັກຄີໄຟ ແລະ ອຸປະກອນຄວາມປອດໄພຕ່າງໆຢ່າງລະອຽດຢູ່ໃນໂຮງງານ, ສາງເກັບມ້ຽນສິນຄ້າ, ຫ້ອງການ ແລະ ສະຖານທີ່ອື່ນໆພາຍໃນ ຂພສປຍ. ການກວດສອບຄວາມປອດໄພດ້ານອັກຄີໄພແມ່ນຈະດຳເນີນການເປັນປະຈຳທຸກໆປີໃນຊ່ວງເວລາດັ່ງກ່າວ, ແຕ່ໃນປີນີ້ໄດ້ມີການກວດສອບໂຮງງານຍີ່ປຸ່ນທັງໝົດ 13 ໂຮງງານ ໂດຍໄດ້ເນັ້ນໃສ່ການກວດກາອຸປະກອນຕ່າງໆ ເຊັ່ນ: ລະບົບສັນຍານເຕືອນໄພ, ຖັງດັບເພີງ (ເພື່ອກວດສອບການໃຊ້ງານ) ແລະ ທາງອອກສຸກເສີນ. ໂຮງງານຍີ່ປຸ່ນທັງໝົດແມ່ນຜ່ານການກວດສອບ ແຕ່ວ່າມີບາງໂຮງງານແມ່ນໄດ້ຮັບຄຳແນະນຳສະເພາະຈາກທາງຄະນະຜູ້ກວດສອບ ເຊັ່ນວ່າ ການເພີ່ມຈຳນວນບັ້ງດັບເພີງ, ການຕິດຕັ້ງໄວ້ໃນຈຸດທີ່ເໝາະສົມ ແລະ ການປ່ຽນແທນອຸປະກອນເກົ່າທີ່ໃຊ້ການບໍ່ໄດ້. ໃນວັນທີ 24 ກໍລະກົດ 2025 ໄດ້ມີການຈັດສຳມະນາກ່ຽວກັບກວຽກງານສະກັດກັ້ນ ແລະ ຕ້ານອັກຄີໄພ ຂຶ້ນທີ່ຫ້ອງປະຊຸມຂອງຫ້ອງການບໍລິຫານ ຂພສປຍ ໂດຍມີພະນັກງານທີ່ຖືກຄັດເລືອກຈາກແຕ່ລະໂຮງງານຍີ່ປຸ່ນເຂົ້າຮ່ວມການຝຶກອົບຮົມການປະຕິບັດກ່ຽວກັບການໃຊ້ຖັງດັບເພີງ ແລະ ອຸປະກອນຄວາມປອດໄພພື້ນຖານອື່ນໆ ຢ່າງຖືກ. ຈຸດປະສົງຂອງການສຳມະນາແມ່ນເພື່ອເສີມສ້າງຄວາມຮູ້ດ້ານຄວາມປອດໄພຈາກອັກຄີໄພ, ປົກປ້ອງຊັບສິນຂອງບໍລິສັດ ແລະ ເພື່ອໃຫ້ການດຳເນີທຸລະກິດເປັນໄປຢ່າງລາບລຶ້ນ ແລະ ຕໍ່ເນື່ອງ. ໃນຕອນທ້າຍຂອງການຝຶກອົບຮົມ, ທາງພະແນກສະກັດກັ້ນ ແລະ ຕ້ານອັກຄີໄພແຂວງຈຳປາສັກໄດ້ອອກໃບຢັ້ງຢືນການກວດກາ ແລະ ໃບຢັ້ງຢືນການເຂົ້າຮ່ວມສຳມະນາໃຫ້ແກ່ໂຮງງານຍີ່ປຸ່ນທັງໝົດໃນ ຂພສປຍ ເພື່ອເປັນຫຼັກຖານທີ່ສະແດງໃຫ້ເຫັນເຖິງການປະຕິບັດຕາມລະບຽບການ ແລະ ການເຂົ້າຮ່ວມ.
ໃນວັນທີ 29 ເມສາ 2025 ໄດ້ມີການປະກາດຢ່າງເປັນທາງການວ່າ ພະນະທ່ານ ສອນໄຊ ສີພັນດອນ ນາຍົກລັດຖະມົນຕີຂອງ ສປປ ລາວ ຈະໄດ້ຮັບຫຼຽນກຽດຕິຄຸນ ອາທິດອຸໄທ ເຊິ່ງເປັນພິທີການມອບລາງວັນໃຫ້ແກ່ຊາວຕ່າງຊາດ ປະຈຳລະດູໃບໄມ້ປົ່ງ ປີ 2025 ຈາກປະເທດຍີ່ປຸ່ນ. ພິທີມອບຫຼຽນກຽດຕິຄຸນດັ່ງກ່າວ ແມ່ນໄດ້ຈັດຂຶ້ນທີ່ເຮືອນພັກຂອງພະນະທ່ານ ເອກອັກຄະລັດຖະທູດຍີ່ປຸ່ນຢູ່ທີ່ນະຄອນຫຼວງວຽງຈັນ ໃນວັນທີ 03 ກໍລະກົດ 2025 ເຊິ່ງຫຼຽນກຽດຕິຍົດອັງສູງສົ່ງນີ້ໄດ້ປະທານໂດຍ ສົມເດັດພະເຈົ້າຈັກກະພັດແຫ່ງຍີ່ປຸ່ນ ແລະ ເປັນກຽດມອບໂດຍ ພະນະທ່ານ ໂຄອິຊຶມິ ຊຶໂຕມຸ ເອກອັກຄະລັດຖະທູດ ວິສາມັນຜູ້ມີອຳນາດເຕັມແຫ່ງຍີ່ປຸ່ນ ປະຈຳ ສປປ ລາວ. ຕະຫຼອດໄລຍະເວລາທີ່ດຳລົງຕຳແໜ່ງເປັນ ເຈົ້າແຂວງໆຈຳປາສັກ, ລັດຖະມົນຕີກະຊວງແຜນການ ແລະ ການລົງທຶນ, ແລະ ຮອງນາຍົກລັດຖະມົນຕີ, ພະນະທ່ານ ນາຍົກລັດຖະມົນຕີ ສອນໄຊ ໄດ້ສະແດງບົດບາດອັນສຳຄັນໃນການສົ່ງເສີມການລົງທຶນຈາກປະເທດຍີ່ປຸ່ນເຂົ້າມາໃນ ສປປ ລາວ ແລະ ຊຸກຍູ້ໃຫ້ເກີດການພັດທະນາສະພາບແວດລ້ອມດ້ານການລົງທຶນທີ່ເອື້ອອຳນວຍຕໍ່ພາກທຸລະກິດ ໂດຍສະເພາະແມ່ນ ທ່ານໄດ້ມີບົດບາດອັນສຳຄັນໃນການລິເລີ່ມ ແລະ ສະໜັບສະໜູນການສ້າງຕັ້ງ ເຂດເສດຖະກິດພິິເສດປາກເຊ-ຍີ່ປຸ່ນ ເອັສເອັມອີ ໃນຊ່ວງທີ່ດຳລົງຕໍາແໜ່ງເປັນເຈົ້າແຂວງໆຈຳປາສັກ. ຜູ້ເຂົ້າຮ່ວມພິທີດັ່ງກ່າວນີ້ ປະກອບມີຄອບຄົວຂອງ ທ່ານ ນາຍົກລັດຖະມົນຕີ, ເຈົ້າໜ້າທີ່ລະດັບສູງຂອງລາວ, ແລະ...
Next Blog
